سەید حەكیم داوا دەكات دەستەڵاتی حكومەتە خۆجێیەكان فراوان بكرێت و یاسای لا مەركەزییەت دەربكرێت
لەسەرەتای سەردانەكەی بۆ پارێزگای نەجەفی پیرۆز
بەڕێز سەماحەتی سەید حەكیم سەرۆكی هاوپەیمانێتی هێزە نیشتمانییەكانی دەولەتی نیشتمانی لە دیوانی پارێزگا چاوی بە بەڕێز یوسف گناوی پارێزگاری نەجەف و بەڕێز حسێن عیساوی سەرۆكی ئەنجومەنی پارێزگا و چەندین ئەندامی ئەنجومەنی نوێنەران لەپارێزگاكە كەوت، جگە لە چەندین ئەندامی ئەنجومەنی پارێزگای نەجەف و دام و دەزگاكانی پارێزگاكە و چەند سەكردەیەكی ئەمنی، لەم دیدارە بەڕێز حەكیم پیرۆزبایی جەژنی غەدیری لێكردن و دووپاتی كردەوەش كە عێراق قۆناغی داخرانی سیاسی لەڕێگەی پێكهێنانی حكومەت تێپەڕ كردوە لە دیمەنێكی تازەی ئەرێنی كە تێیدا دەستەلات بە ئاشتیانە ڕادەست دەكرێت و پابەندبوون بە دیموكراسیەت هەیە.
بەڕێز حەکیم ئاماژەی بەوەدا کە چوارچێوەی هەماهەنگی توانی بەپێی میکانیزمەكە بۆ دامەزراوەکانی خۆی سێ کاندید بۆ سەرۆکایەتی سەرۆکایەتیی حكومەت بخاتە ڕوو كە لە كۆتاییدا بە دانانی بەڕێز عەلی ئەلزەیدی بە کۆی دەنگ بەكۆتا هات، ئەوەش پێش کۆتایی هاتنی وادەی دەستووری کابینەکەی پێشکەش کرد، بەڕێزیان خۆشحاڵی خۆی دەربڕی کە نەجەف یەکەم قایمقامیەت بوو کە دوای پێکهێنانی حکومەت سەردانی کرد، ستایشی گیانی هاوکاری نێوان بەڕێوەبەرایەتییە خزمەتگوزارییەکانی پارێزگاکەی کرد.
هاوکات داوای هەمەچەشنکردنی ڕێگاکانی هەناردەکردنی نەوتی لە ڕێگەی دەریای سوور و دەریای ناوەڕاستەوە كرد بۆ بەرزکردنەوەی ئاسایشی ئابووری و کردنەوەی بازاڕی نوێ، هەروەها جەختی لەسەر دڵنیابوون لە پێدانی مووچەی فەرمانبەران و باجی جووتیاران و بەڵێندەران كرد بۆ ڕۆڵیان لە پاڵپشتیکردنی چالاکییە ئابوورییەکان، سەید حەكیم جەختی لە گرنگی دەرکردنی یاسایەک سەبارەت بە پارێزگاکان و لامەرکەزی کارگێڕی کردەوە بۆ پێدانی دەسەڵاتی فراوانتر بە حکومەتە ناوخۆییەکان بۆ خزمەتکردنی هاوڵاتیان...
سەماحەتی حەکیم لەدرێژەی قسەکانیدا سەبارەت بە نەجەف جەختی لە پێویستی ڕێبازێکی دوولایەنەکردەوە کە لە گرنگیی ئایینی و مەعنەوی شارەکەوە سەرچاوە دەگرێت، لە هەمان کاتدا پیرۆزی و سیما ناوبانگی شارەکە بپارێزێت و داوایکرد پڕۆژەی ستراتیژی و درێژخایەن لە بوارەکانی بیناسازی و وەبەرهێنان و گەشتیاری و پەرەپێدانی فڕۆکەخانەی نەجەف هەبێت بۆ ئەوەی لەگەڵ پێگەی جیهانی شارەکەدا بگونجێت..
