سەماحەتی حەكیم .. قۆناغی سەقامگیری پێویستە سوود لە ئەزموونەكانی پێشوو وەربگرێت بە مەرجێك لەگەڵ سروشت و شارستانیەت و كەلتووری عێراق بگونجێت
بەڕێز عەمار حەكیم سەرۆكی هاوپەیمانێتی هێزەكانی دەوڵەتی نیشتمانی چاوی كەوت بە كۆمەڵێك سەركردەی سەنتەرەكانی توێژینەوە لە عێراق ، لەم دیدارە سەماحەتی دوای بیستنی باسە گرنگەكانیان دووپاتی كردەوە كە ئەو سەنتەرانە رۆڵی گەورەیان لە بنیاتنانی دەوڵەتی عیراقی هەیە، ئاماژەشی بەو ڕكابەرییانە كرد كە عێراق پێیدا تێپەڕ دەبێت، گوتیشی ئێستا لە دەمی شووشەكە هاتینە دەرەوە و لە سەقامگیری نزیكین.
سەماحەتی ڕوونی كردەوەش كە ئەو قۆناغەی سەقامگیری پێویستی بەوەیە سوود لە ئەزموونی دیكە وەربگیرێت بەمەرجێك لەگەڵ سروشتی عێراق و شارستانیەت و مێژوو و كەلتووری بگونجێت، ڕوونیشی كردەوە كە سەامگیری دەبێتە هۆكار بۆ گەورە بوونی سەنتەرەكانی توێژینەوەو ڕۆڵیان.
سەماحەتی جەختی لەوە کردەوە کە لەبەرچاو نەگرتنی بەرهەمەکانی سەنتەرەکان دەگەڕێتەوە بۆ زەحمەتی قەناعەت پێکردنی بڕیاردەر بە بەهای ئەم بەرهەمانە و کاریگەرییان و بەرپرسیار بوون لە سەنتەرەکانی توێژینەوە بۆ یەکخستنی ناوخۆیی و پەیوەندی نێوانیان.
جەنابی ئاماژەی بەوەدا کە جیاوازی لەنێوان سەربەخۆیی ناوەند و بێلایەنیەکەیدا هەیە، داوای دەستپێشخەری و پێشکەشکردنی بیرۆکەی پراکتیکی و واقیعی و بەدەستهێنانی متمانە بەوانە کرد کە توانای دەستنیشانکردنی کێشەکە و دۆزینەوەی چارەسەریان هەیە، ڕوونیشیکردەوە کە کێشەی ڕوون هەن کە پێویستیان بە چارەسەر هەیە بۆ نموونە قەیرانی کارەبا لەبەرهەمهێنان و کۆکردنەوە و هەروەها قەیرانی کۆمەلایەتی لەوانە جیابوونەوە و لێرەدا ڕۆڵی دەزگاکانی توێژینەوە بۆ دۆزینەوەی چارەسەر دێت.
بەڕێز حەكیم جەختی لەسەر جیاکردنەوەی توێژینەوە و دەزگاکانی بیرکردنەوە لە ڕێکخراوەکانی کۆمەڵگەی مەدەنی کردەوە و ئاماژەی بەوەدا کە خودی پۆلێنکردنی ناوەندەکان پێویستی بە توێژینەوە هەیە کە نۆرماتیڤ و خاڵی پەیوەست دیاری بکات و پێویستە توێژینەوەکان وەک هەر کاڵایەک بەبازاڕ بکرێن.
سەماحەتی ڕوونی كردەوە كە توێژینەوەی زانستی پێویستە بۆ ڕیزبەندی زانستی و سەماحەتی داوای كرد بایەخ بە بابەتی زیرەكی دەستكرد بدرێت و لە رۆشەنبیری و مێژوو و بۆچوونەكانیان، داواشی كرد بەدجەی زیاتر بۆ توێژینەوە زانستیەكان و جەختی لەسەر گرنگی سەرژمێری دانیشتوان و رۆلی لە پڕۆسەی گەشەپێدان كرد، داواشی كرد خەڵكی بەو شتە و گرنگییەكەی بناسێنرێت.
