سەماحەتی سەید حەكیم لە مەحموودییە: دەستكەوتەكانی عێراق بەفیرۆ مەدەن قۆناغی داهاتوو قۆناغی ئاوەدانكردنەوە و بنیاتنانە

بەڕێز سەماحەتی سەید حەكیم، سەرۆكی هاوپەیمانێتی هێزەكانی دەوڵەتی نیشتمانی پێشوازی لە كۆمەڵیكی زۆر لە شێخ و پیاوەدیار و رۆلەكانی قەزای مەحموودییەی ئازیز كرد و ڕوونیكردەوە كە ئەو شارە وێستگەیەكی گرنگ بووە بۆ بەیەكەوە ژیان لەنێوان عێراقییەكان و دووپاتی كردەوەش كە ئەو دیدارە لەقۆناغێكی هەستیار دێت لە مێژووی عێراقدا.

سەماحەتی سەید حەكیم دووپاتی كردەوە كە عێراق بەربەست و ئاستەنگی گەورەی بڕیوە بەهۆی پالپشتی خودا و ئیرادەی رۆڵەكانی هەرچەندیش لێدان زۆربوایە عیراق زیاتر بەهێزتر و توند تر دەبوو بەڕووی ئەو ئاستەنگانەدا.
بەڕێزیان ئاماژەی بە هەڵوێستی ئیمام سیستانی دا (سێبەری بمێنێت) و لەكۆكردنەوەی گوتەی عێراقییەكان و باشكردنی درەوونیان كاتێك بەرگری لە هەموو عێراقییەكان كرد.
بەڕێز سەید حەكیم ئاماژەی بەوەشکرد کە ئازاری عێراقییەکان لەبەرامبەر تیرۆر بەشێوە جۆراوجۆرەکانیەوە بوو تا داعش کە 40٪ی خاکی عێراقی داگیرکرد، واش چاوەڕوان دەکرا تا ساڵی 2030 بەردەوام بێت، بەڵام لە ڕێگەی فەتواکەی جیهادی مەرجەعیەت و جوڵاندنی هۆزەکان، توانیان خاکەکە بەدەست بهێننەوە و سەرکەوتن بەدەست بهێنن،  ئەوەشی خستەڕوو کە عێراقیش بەدەست ململانێی سیاسی نێوان هێزە سیاسییەکانەوە دەناڵێنێت، بەڵام بەهۆی بوونی سەرکردە ژیرەکانەوە زاڵ بووە و ئاشتی کۆمەڵایەتی بەدیهاتووە، هەروەها ئارامی سیاسی، پەیوەندییە ئەرێنییەکانی نێوان خەڵک و پەیوەندییە ناوچەیی و نێودەوڵەتییەکان هەمووی دەستکەوتەکانن کە بەدی هاتوون، عێراق ئێستا بەشێکە لەسیستمێکی ئیقلیمی و نێودەوڵەتی و عەرەبی و ئیسلامی و ناکرێت هەموو ئەو دەستکەوتانە سازش بکرێن و لەدەستیان بدەین..

سەماحەتی حەكیم داوای كرد دەست بە گوتەی بەفیرۆی مەدەن بگرن لەبەر ئەوەی ئەو دەمانگەیەنێتە عێراقێكی بەهێز و سەربەخۆ و گەشەسەندوو، گە دادپەروەری كۆمەلایەتی لەنێوان خەڵكەكەی هەبێت و عیراقییەكانیش دەتوانن ئەوە بەدی بهێنن.
هەروەها گوتیشی پێشینەی كارەكانمان لە داهاتوو خزمەتگوزارییە و قۆناغی بنیاتنان و ئاوەدان كردنەوە دەبێت..
سەماحەتی ڕوونیشی كردەوە كە سەقامگیری سیاسی كلیلی سەقامگیری عێراقە بەشێوەیەكی گشتی و دەبێتە هۆكاری سەقامگیری ئەمنی هەروەها دەبێتە ڕەزامەندی و تەبایی كۆمەڵگەیی ئەوەش ڕێگایەكە بۆ ئاوەدانكردنەوە و گەشەسەندن و بەدی هێنانی ڕەزامەندی میللی.

بەڕێز سەید حەكیم هیوای خۆی بۆ سەرجەم ئەو هێزانەی بەشداری هەڵبژاردن دەکەن دەرببڕی و ئاماژەی بەوەدا کە هەندێکیان چارەسەری کاتی پێشکەشدەکەن کە سوودی كاتی دەستبەجێ بۆ هاوولاتیان دابین دەکات و هەندێکی دیکەش تێڕوانینێک بۆ بەرەوپێشبردنی واقیعی ئابووری و چارەسەری هەموو قەیرانەکان پێشکەش دەکەن،  ڕوونیشیکردەوە کە هاوپەیمانی هێزەکانی دەوڵەت بەڵێنی بەتاڵ و ناواقیعی نادات و هۆشداری دەدات لەهەلپەرستە سیاسییەکان و هەرزەکارانی سیاسەت و قومارچی و پارەگۆڕەوەکانی و داوای ڕێکخستنی ڕێوشوێن و ئەولەویەتی دیاریکردن و ڕوونکردنەوەی هەڵوێستەکان دەکات بەبێ شکاندنیان، ئەو گوتیشی سیاسەت بۆ کەسانی پیشەییە، ئەوانەی وڵات و بەرژەوەندیی خەڵکەکەی دەخەنە پێشەوە کاتێک هەر پۆستێک وەردەگرن.
سەماحەتی داوای كرد كە خەڵكی خاوەن سیڤی خزمەتگوزاری هەڵبژێرن و ڕوونی كردەوەش كە نوێنەر شوێنێكی گرنگە لەڕووی تەشریعی و چاودێری و كاریگەری هەیە بۆ ڕاكێشانی سوود بۆ كەس و ناوچەكەشی و ئاماژەی كرد كە بنەمای میاڕەویی و ناوەندگیری بنەمایەكە پارێزگاری لە ولات دەكات.
لەكۆتاییشدا گوتی داوا دەكەین خەڵكی بەشێوەیەكی فراوان و كاریگەر و هۆشیارانە بەشداری هەڵبژاردنەكان بكەن.