سەماحەتی حەكیم لەدیداری شێخ و پیاوە دیارەكانی نەینەوا ستایشی فرەیی عێراق وڕۆلی لە پتەوكردنی سەقامگیری ناوچەكە دەكات
بەڕێز عەمار حەكیم سەرۆكی هاوپەیمانێتی هێزەكانی دەوڵەتی نیشتمانی سەردانی میوانخانەی ئەلعامری دكتۆر خالد ئەلعەبیدی لە نەینەوا كرد، لەوێ سەماحەتی چاوی كەوت بە كۆمەڵێك شێخ و كەسایەتییە دیارەكانی پارێزگاكە لەم دیدارە سەماحەتی حەكیم پیرۆزبایی هاتنی مانگی رەجەبی لێكردن و دواتریش باسی مێژووی دوور و درێژی هاوكاری نێوان نەینەوا و عێراق كرد سەرەتا لە مەرجەعیەتی سەید موحسن حەكیم (نهێنی پیرۆز بێت) دواتریش شەهید میحراب و عەزیزی عێراق (نهێنیان پیرۆز بێت) هەروەها ئاماژەی كرد كە عێراقییەكن وێرای سەختی و مەینەتییەكان كە پێی تێپەڕ بوون بەڵام توانیان ئەو ڕكابەرییانە بۆ هەل بگۆڕن بۆ پێشخستن و خۆشگوزەرانی خەڵكی بگۆڕن.
سەماحەتی حەكیم لە میانەی قسەكانی گوتی " خاڵی بەهێزی عیراق لە فرەیی دایە، ئاماژەشی كرد كە ئەو جۆرە فرەییە تەنها كۆمەلگەی عێراقی پتەو ناكات بەڵكو وای لیدەكاتكە عێراق ڕۆڵێكی گەورە لە ناوچەكە بگێڕێت هەروەها گوتی فرەیی پێكهاتەكانی گەلی عێراقی وایكردوە كە ئاڵۆزی و گرژی لە ناوچەكە كەم ببێتەوە، ئێستا عێراق دەتوانێت ڕۆڵی خۆی بگێڕێت لە نزیككردنەوەی بۆچوونی نەیارەكانی ناوچەكە لەگەڵ پاراستنی تایبەتمەندی خۆی و بەرژەوەندی نەتەوەیی.
هەروەها ئاماژەی كرد كە لووتكەی بەغدا بە نوسخە تازەكەی گرنگی گەورەی هەیە، لەبەر ئەوەی هەلێكە بۆ ئەوەی عێراق بتوانێت پێگەی خۆی لە ناوچەكە و لەسەر ئاستی نێودەوڵەتی وەربگرێتەوە، هەروەها تا ئەو پەیوەندییانە بۆ بەرژەوەندی خۆی بەكاربهێنێت، سەماحەتی حەكیم بانگەشەی بۆ سفركردنەوەی قەیڕانەكان كرد و دووپاتی كردەوەش كە پێویستە تیشك بخەینە سەر كارە ئەرێنییەكان و واز لە شتی بچووك بهێنین، لەگەڵ پێویستی پاراستنی هاوسەنگی لە تاتوێكردنی ڕكابەرییان و دەستكەوتەكان بۆ ئەوەی سەقامگیری بەردەوام هەبێت.
لەكۆتاییدا سەماحەتی حەكیم لە میانەی قسەكانی جەختی لەسەر یەكبوون و هاریكاری لەنێوان پێكهاتەكانی عێراق كرد و گوتی هێزی عێراق بە یەكگری و فرەییەكەیەتی، پێویستە هەموو بزانن كە دەبێت كار بۆ ئەوە بكرێت تا عێراق لە گۆڕەپانی هەرێمی و نێودەوڵەتی پێگەی بەهێزتر ببێت.
